شرح كيفية عمل سرفر خاص بك فى لعبة ميدل اوف هونر

** الخطوة الاولي و هي اهم خطوة :



فــتح البورتــات التالـية في الروتــر

من 12203 الي 12218
من 12300 الي 12300
من 23000 الي 23009

و طبعا دي مقدرش اعملكوا صورها لان انا معرفش ايه انواع الراوتر العند كل واحد و كل راوتر ليه طريقة في فتح البورتات بتختلف حسب نوعه ،، بس ممكن تخشوا علي الموقع ده وتدوروا علي نوع الروتر الخاص بيكوا وتطبقوا الشرح ...
*** لو عايز تتاكد ان البورتات مفتوحة اعمل دونلود للبرنامج ده وبعدين سطبه بعد كدة اكتب في خانة البورت 12203 و اختار udp و اعمل تشيك لو قالك " ur port is open " يبقي تمام و تجرب البورتات كلها عشان تعرف انك ماشي صح ...
** شوفوا بقي باقي البورتات 12300 و 23000 و 23009 و كله طبعا يبقي udp ‏ ....
** الخطوة التـانية :


ندخل علي الموقع ده عشان تعرف ال public ip بتاع الراوتر ،،انتوا اكيد عارفين ان الكمبيوتر بتاعكوا متصل بشبكة صغيرة اللي هي مجموعة الكمبيوترات اللي متوصلة مع بعض عن طريق الراوتر بس الراوتر نفسه يعتبر جهاز جوة شبكتين ( الشبكة الصغيرة اللي قلنا عليها و الشبكة التانية هي الانترنت) ... عشان كدة الراوتر بيبقي ليه اتنين اي بي واحد محلي local و واحد عام public
المحلي و عارفينه في الغالب بيبقي 192.168.1.1 لكن احنا عايزين العام .... الهوا معمول عليه سهم في الصورة دي
** ليه احتاجنا نعرف الاي بي دة ؟
-لانك لو عايز واحد صاحبك يدخل السيرفر مش هنستني اما يدور عليك في البراوس بتاع السيرفرات كلها انت بس ابعتله الاي بي ملزوق فيه البورت زي كدة 12203:**.**.****.****
** علي فكرة في اغلب الاحيان السيرفر بتاع ميدل بيبقي عن طريق بورت 12203 و حتي لو كان البورت مختلف هقلكوا تعرفوا بورت سيرفركوا منين في الخطوات الجاية ** ....
** الخطوة التالتة :



لازم نعمل uninstall لاي برنامج بيعمل نتوورك و لازم تبقي متصل بشبكة واحدة بس يعني كارت شبكة واحد بس هو اللي شغال طبعا اشهر برنامج بيعمل نتوورك هو الهاماتشي hamachi (دة لازم نشيله) ،،، و نتاكد ان مفيش اي برنامج او اي حد عندكوا علي الشبكة بيعمل دونلود و تتاكد ان معندكش فايروول بيقفل البورتات اللي اتكلمنا عليها و علي فكرة هم برنامجين بس اللي بيقفلوا البروتات دي (avira , kaspersky ) ...

الخطوة الرابــعة :

ندخل اللعبة عادي جداً ونتـابع :


1- ندخل علي الأونلاين ...


2- ندخل علي Start Game

3- اختاروا نوع السيرفر الأنتوا عاوزينه
---------------------------------------------------------------------




4- لازم نعلم علي الخيار المتعلم عليه ده ،، زي ما موجود في الصورة ...




المربع اللي فوق علي اليمين بيحدد اقصي عدد من اللاعبين هيدخل السيرفر لو انت سرعة النت عندك 512 يبقي خليها 5 لو انت سرعة النت عندك 1 ميجا خليها 7 او 8 ..




** خليك عامل حساب ان لو عدد اللاعبين المشتركين عن طريق الانترنت زاد عن الحد اللي سرعة النت عندك تسمح بيه هيحصل مشكلة عند الناس و مش هتعرف تلعب و المشكلة انك انت نفسك مش هتحس بيهم و مش هتعرف انهم بيعانوا لانك صاحب السيرفر و السرعة عندك حلوة**
** تقدر تدخل عدد لا نهائي من اللاعبين عن طريق الشبكة المحلية و مش هياثروا في سرعة السيرفر لكن العدد اللي قلتلك عليه للاعبين عن طريق الانترنت لازم تتحكم فيه و متخليهوش يزيد باي شكل (دي شغلانة صاحب السيرفر انه يخدم الناس اللي في السيرفر عشان ميزهقوش و يطلعوا ) **
5- هتلاقي اللعبه قفلت وفتحت الويندو ده زي ما انتوا شايفين في الصورة ،،، ودي اسمها mohaa consloe و منها انت تقدر تتحكم في السيرفر و تغير الماب و تحدد عدد اللاعيبة و تطرد لاعب و تغير حتي نوع السيرفر من free for all ل team deth match او objective او غيره من غير ما تقفل السيرفر و تفتحه تاني ......

الخطوة الخـامسة :

كده السيرفر اتعمل وشغااال مية مية ،، تماموز اوي ....  نيجي بقي عشان ناخد الأي بي بتاع السيرفر عشان تديه للناس الهتلعب معاك ،،،، إي بي السيرفر هيبقي عبارة عن إي بي الروتر الأحنا جبناه من الموقع في الخطوة التانية ... طيب لحد هنا كده تمام اوي ،، عاوزين نعرف بقي البورت البنحطه جنب الأي بي كــام ؟!!


نفتح الويندو بتاعت MOHAA Console دي و ندور علي
Opening IP socket: 192.168.1.3:12203
زي ما موجود في الصورة ...

و هنلاقي ان الأي بي جزئين ،، إي بي الجهاز بتاعك علي الروتر " مش الاي بي الأصلي ، اي بي الشبكه المحليه " و البورت وهو ده الاحنا هنحطه بعد أي بي الجهاز الجبناه من الموقع




مثال : نفترض مثلاً ان الإي بي الجبنه من الموقع طلع 196.221.131.87 ناخد ونحط في آخره رقم البورت الظهرلنا في الويندو الهوا هنا 12203 وهايبقي الشكل النهائي للاي بي الهتبعته للناس هو :
96.221.131.82:12203

الخطوة السـادسة والأخــيرة : نلـعب بـقي



** سيب الويندو بتاع الكونسول شغال بقي زي ما هو و افتح اللعبة من فايل mohaa.exe بعد كدة ادخل multiplayer و ادخل join server بعد كدة join LAN هتلاقي السيرفر اللي انت عامله خش و العب ....
** لو عاوز حد يدخل معاك في الجيم ،، اديلوا الأي بي النهائي الأحنا جبناه من الخطوات السابقة و خليه يدخل عليه زي ما موجود في الصورة ... مكان الxxxxxxxxxxxx دي يكتب الأي بي .. و بكده يكون السيرفر اتعمل وعيشوا بقي  

** ما تحاولش تدور علي السيرفر اللي انت عملته عن طريق browse internet servers لانك عمرك ما هتلاقيه .. ليه بقي ؟؟!! هو انت ينفع تمسك موبايلك و تتصل بموبايلك !!! او تمسك تليفونكوا الارضي و تتصل بنفس الرقم !!!
نفس الفكرة . انت لما بتدوس علي كلمة browse internet servers الراوتر بتاعك بيدور علي الاي بيهات اللي في العالم ماعدا اي بي واحد مش ممكن ابدا ابدا يدور عليه هو الاي بي بتاعه (هو في حد بيدور علي نفسه يا جدعان)**


وعيشوا بقي واي استفسار انا موجود في الخدمة
وبكده يكون شرحـي خـلص ،، أتمني من الكل أنوا يكون أستفاد من الموضوع ده
وكلمه شكراً مش كتيره ،، وياريت الناس تقدر تعبي في الموضوع ...
الشرح بالفيديو